ഒരാൾ ഒരു ലക്ഷം രൂപയ്ക്ക് 10 സെൻറ് സ്ഥലം വാങ്ങി.
എന്നിട്ട് അവിടെ സ്വർണ്ണനിക്ഷേപം ഉണ്ടെന്ന് നാട്ടുകാരെ വിശ്വസിപ്പിച്ചു.
അതോടെ ആ സ്ഥലത്തിൻറെ വില വല്ലാതങ്ങ് കയറി.
സ്ഥലം വാങ്ങാൻ ധാരാളം പേർ വന്നു, വില്ക്കാൻ ഉടമ തയ്യാറായിരുന്നില്ല.
പക്ഷേ, സ്ഥലത്തിൻറെ ഓഹരികൾ പലർക്കായി വില്ക്കാൻ തയ്യാറാണെന്ന് അറിയിച്ചു.
വാങ്ങാൻ ആളുകൾ വരി നിന്നു.
ഇനിയാണ് രസം.
ഒരു ലക്ഷം രൂപ വിലയുള്ള 10 സെൻറ് സ്ഥലത്തിന് ഒരു കോടി രൂപ മൂല്യം നിശ്ചയിച്ചു.
എന്നിട്ട് അതിൻറെ 40 ശതമാനം ഓഹരികൾ ആളുകൾക്ക് വിറ്റു.
60 ശതമാനം സ്ഥലമുടമയ്ക്കും 40 ശതമാനം ഓഹരിയുടമകൾക്കും.
അങ്ങനെ വരുമ്പോൾ 60 ശതമാനം കൈവശമുള്ള സ്ഥലമുടമയ്ക്ക് മൂല്യം 60 ലക്ഷം രൂപയായി.
പക്ഷേ, ഈ 60 ലക്ഷം രൂപ കടലാസിൽ മാത്രമാണ്!!!
ആ സ്ഥലമുടമ തൻറെ കൈവശമുള്ള 60 ലക്ഷത്തിൻറെ ‘ഓഹരി’ ബാങ്കിൽ പണയപ്പെടുത്തി 30 ലക്ഷം രൂപ വായ്പയെടുത്തു.
എന്നിട്ട് ആദ്യം ചെയ്ത പോലെ ഒരു ലക്ഷം രൂപ വീതം നല്കി 30 ഇടത്ത് സ്ഥലം വാങ്ങി.
അവിടെ ഓരോ സ്ഥലത്തും വെള്ളിയുണ്ട്, ചെമ്പുണ്ട്, കല്ക്കരിയുണ്ട്, ഡീസലുണ്ട് എന്നൊക്കെ പറഞ്ഞ് ഓഹരി വിറ്റു, ആദ്യം ചെയ്ത പോലെ.
ഇത് ആവർത്തിച്ചുകൊണ്ടേയിരുന്നു.
ഇങ്ങനെ ഒരു പത്തിരുപത് തവണ ചെയ്തപ്പോൾ അയാളുടെ പേരിൽ സമ്പത്ത് കുമിഞ്ഞുകൂടി.
ലോകത്തെ വലിയ പണക്കാരുടെ പട്ടികയിൽ കയറി.
പക്ഷേ, ഈ സമ്പത്ത് കടലാസിൽ മാത്രമായിരുന്നു എന്നതാണ് സത്യം!!!!
കാര്യങ്ങൾ സുഗമമായി പോകവേ ആദ്യം വിറ്റ സ്ഥലത്ത് സ്വർണ്ണവുമില്ല, ഒരു മണ്ണാങ്കട്ടയുമില്ല എന്ന് ഒരാൾ കണ്ടെത്തി.
അതോടെ എല്ലാം പൊട്ടിത്തുടങ്ങി.
മാലപ്പടക്കം പോലെ പൊട്ടി.
അദാനിക്കു സംഭവിച്ചിരിക്കുന്നത് ഇതാണ്.
അദാനിയുടെ കൈയിൽ ഒരു മണ്ണാങ്കട്ടയുമില്ല എന്നു കണ്ടെത്തി വിളിച്ചുപറഞ്ഞ ആ ആളാണ് ഹിൻഡെൻബെർഗ്!!
അദാനി തിരിച്ചുവരുന്നു എന്നൊക്കെ ചില മണ്ടന്മാർ കഴിഞ്ഞ ദിവസം എഴുന്നള്ളിക്കുന്നതു കണ്ടു.
അതത്രെ എളുപ്പമല്ല തന്നെ.
അയാളുടെ കൈയിലുള്ളതെല്ലാം കടലാസിൽ മാത്രമാണ്.
ആ കടലാസാണ് ഹിൻഡെൻബെർഗുകാർ പിടിച്ചുവാങ്ങി കീറിക്കളഞ്ഞത്.
അദാനി പുലിയാണ്…
പക്ഷേ, കടലാസ് പുലിയാണെന്നു മാത്രം…
അദാനിയുടെ കച്ചവടം പൂട്ടിക്കുന്ന ആ റിപ്പോർട്ട് ഇതാണ്..
ഹിൻഡെൻബെർഗ് റിസർച്ച് റിപ്പോർട്ട്
